Cad é an Sciar Cothromais?
Is ionann an sciar cothromais agus an céatadán den luach ar an margadh oscailte a ranníocfaidh an t-údarás áitiúil le ceannach na teaghaise inacmhainne agat. Cuirfear é seo ar fáil ma ranníocaíocht um theaghais inacmhainne ar luach airgid é a sholáthraíonn an t-údarás áitiúil chun do theach a cheannach. Beidh sé seo curtha in iúl mar chéatadán chun an cothromas teaghaise inacmhainne nó an sciar cothromais a ríomh. Léiríonn sé an laghdú céatadánach ó luach an mhargaidh oscailte a gceannóidh tú do theach dó. Déanfaidh an t-údarás áitiúil an sciar cothromais a ríomh is gá chun do theach a cheannach. Is é an sciar cothromais íosta is féidir leis an údarás áitiúil a thairiscint ná 5%.
Is féidir leat an sciar cothromais seo a cheannach, go páirteach nó go hiomlán, ag am is rogha leat. Is féidir é seo a dhéanamh trí íocaíocht ar a dtugtar íocaíocht fuascailte a dhéanamh leis an údarás áitiúil.
Is é €10,000 an íocaíocht fuascailte íosta is féidir a dhéanamh. Coimeádfaidh an t-údarás áitiúil taifead ar na híocaíochtaí fuascailte go léir a dhéanann tú agus athbhreithneoidh sé an céatadán scaireanna cothromais atá acu sa teach dá réir. Spreagfaidh imeachtaí áirithe aisíocaíocht na sciar cothromais go huathoibríoch, ar a dtugtar imeacht réadaithe. Go ginearálta, is é an cás is gnách ná nuair a dhíolann tú do theach. I measc na n-imeachtaí eile a bhféadfadh sé seo tarlú áirítear, ach gan a bheith teoranta dóibh, féimheacht, an mhaoin a bheith faoi réir Ordú Ceannaigh Éigeantaigh, nó tréigean na maoine, tar éis an dáta stad fada, nó i gcás báis an úinéara/na n-úinéirí.
Tá gach íocaíocht fuascailte ríofa bunaithe ar luach na teaghaise ar an margadh oscailte tráth a dhéantar an íocaíocht. Sna samplaí thíos léirítear conas is féidir le luach na scaire cothromais athrú le himeacht ama.
| Luach Margaidh Oscailte Amhail an Cheannach | Praghas um Cheannach Inacmhainne | Ranníocaíocht an Údaráis Áitiúil | Sciar Chothromais (%) | Luach Margaidh Oscailte Amhail an Íocaíocht Fuascailte (€) | Luach Sciar Chothromais an Údaráis Áitiúil (€) |
|---|---|---|---|---|---|
| €350,000 | €315,000 | €35,000 | 10% | €380,000 | €38,000 |
| 10% | €320,000 | €32,000 | |||
| €400,000 | €300,000 | €100,000 | 25% | €430,000 | €107,500 |
| 25% | €380,000 | €95,000 |
.jpg)
.jpg)
.jpg)
.jpg)